TODAY internet

ការតភ្ជាប់សេវាអុីនធឺណិតដែលល្អគឺចាំបាច់សម្រាប់ដំណើរការអាជីវកម្មអោយជោគជ័យក្នុងពិភពលោកបច្ចុប្បន្ន។ នោះហើយជាមូលហេតុដែលក្រុមហ៊ុន TODAY internet ផ្តល់ជូននូវ សេវាកម្មអុីនធឺណិតល្បឿនលឿនដែលអាចទុកចិត្តបាន និងស្របតាមតម្រូវការរបស់អាជីវកម្ម គ្រប់ទំហំ។

ដើម្បីជាការឆ្លើយតបទៅនឹងតម្រូវការរបស់ម្ចាស់អាជីវកម្មទាំងអស់ ក្រុមហ៊ុន TODAY internet បានដាក់ចេញនូវកញ្ចប់ថ្មីសម្រាប់សហគ្រាសខ្នាតតូច និងមធ្យម (MSME) ដែលមានជា ជម្រើសចាប់ពី 50Mbps រហូតដល់ 200Mbps ដោយចំណាយចាប់ពីជាង ៣០ដុល្លារក្នុងមួយខែ តែប៉ុណ្ណោះ។ អតិថិជនទាំងអស់នឹងទទួលបានការតំឡើងជូនដោយឥតគិតថ្លៃ ទទួលបាន សេវាថែទាំផ្នែកបច្ចេកទេស ២៤ ម៉ោងក្នុង ១ សប្តាហ៍តាមរយៈ Group Telegram ជាមួយក្រុមការងារផ្នែកបច្ចេកទេស និងបញ្ញាសប្បនិម្មិត (AI) រួមជាមួយការបន្ថែមជូនការ ប្រើប្រាស់ ១ ខែថែមទៀតផង។

ក្រុមអ្នកជំនាញរបស់ក្រុមហ៊ុន TODAY internet នឹងធ្វើការជាមួយអ្នកដើម្បីកំណត់ការជ្រើស យកកញ្ចប់អុីនធឺណិតដ៏ល្អបំផុត និងត្រឹមត្រូវសម្រាប់អាជីវកម្មរបស់អ្នក។ កុំបណ្តោយឱ្យសេវា អុីនធឺណិតយឺត ឬមិនគួរឱ្យទុកចិត្តរារាំងដល់អាជីវកម្មរបស់អ្នកតទៅទៀតប្តូរមកកាន់ ក្រុមហ៊ុន TODAY internet សម្រាប់សេវាកម្មអុីនធឺណិតល្បឿនលឿន និងអាចទុកចិត្តបាន។

សម្រាប់ព័ត៌មានបន្ថែមសូមទាក់ទងតាមរយៈទូរស័ព្ទលេខ៖ Sales hotline 087 21 55 77 / Office 070 21 55 77 ឬតាមរយៈ Facebook Messenger “TODAY Internet” ឬគេហរទំព័រ today.com.kh។

ជាផ្នែកមួយនៃសកម្មភាពទំនួលខុសត្រូវសង្គមរបស់ខ្លួនក្រុមហ៊ុនអ៉ិនធឺណិត TODAY បាននឹងកំពុងចូលរួមយ៉ាងសកម្មក្នុងសកម្មភាពជួយសង្គមនានាដូចជា ការផ្តល់ជូនអ៊ិនធឺណិតឥតគិតថ្លៃដល់សាលារៀន ចូលរួមសកម្មភាពសប្បុរសធម៌ កីឡា ក៏ដូចជាផ្តល់ជូននូវសម្ភារៈសិក្សាដល់សាលារៀនដែលខ្វះខាត។

មិនខុសពីសកម្មភាពដែលក្រុមហ៊ុនបានចុះទៅផ្តល់ជូនសម្ភារៈសិក្សាដល់សាលាដែលខ្វះខាតចំនួន ២នៅស្រុកស្អាង ខេត្តកណ្តាលនារពេលកន្លងទៅ ឥឡូវនេះក្រុមហ៊ុនអ៉ិនធឺណិត TODAY បានបើកអោយមហាជនចូលរួមធ្វើការផ្តល់ព័ត៌មានចំពោះសាលា ដែលខ្វះខាតតាមរយៈទំព័រហ្វេសបុករបស់ខ្លួនដែលមានឈ្មោះថា TODAY ISP។

បន្ទាប់ពីប្រកាសដំណើរការអស់រយៈពេល ១ខែកន្លងទៅក្រុមហ៊ុនបានរកឃើញសាលារៀន មួយដែលមានឈ្មោះថា សាលាបឋមសិក្សាប្រផាត់ ស្ថិតនៅភូមិ ប្រផាត់ ឃុំរកាពប្រាំ ស្រុកត្បូងឃ្មុំ ខេត្តត្បូងឃ្មុំ ដែលនឹងទទួលបានការឧបត្ថមជាសម្ភារៈសិក្សាពីសំណាក់ ក្រុមហ៊ុនអ៉ិនធឺណិត TODAY។

លោក ចន្ធី សុធន នាយកគ្រប់គ្រងទូទៅនៃក្រុមហ៊ុនអ៉ិនធឺណិត TODAY បានបញ្ជាក់ថា TODAY មិនមែនបើកអាជីវកម្មគិតតែពីប្រាក់ចំណេញដោយមិនបានគិតគូរ ចំពោះសង្គមវិញនោះទេ។ ដូចនេះហើយជាផ្នែកមួយដើម្បីចូលរួមចំណែកជួយដល់សង្គម យើងបានចូលរួម និងធ្វើសកម្មភាពជាច្រើនជាការតបស្នងដល់សង្គមជាតិក៏ដូចជាឆ្លើយតប ទៅនឹងការជួយគាំទ្ររបស់អតិថិជនយើងទាំងអស់ ហើយយើងជឿថាអតិថិជនទាំងអស់នឹង សប្បាយចិត្តនៅពេលដឹងថាពួកគាត់ក៏បានចូលរួមចំណែកក្នុងសកម្មភាពនេះដែរ។”

បើយោងតាមលោក សុធន សកម្មភាពចែកជូនសម្ភារៈសិក្សានេះនឹងធ្វើឡើងរៀងរាល់ ២ខែម្តង ហេតុដូចនេះសាធារណៈជនអាចតាមដានការប្រកាសរបស់ក្រុមហ៊ុន នឹងចូលរួម សកម្មភាពសប្បុរសធម៌ទាំងអស់គ្នា ដើម្បីជួយដល់សាលាដែលខ្វះខាត។

សម្រាប់ព័ត៌មានបន្ថែមសូមទំនាក់ទំនងមកកាន់ទូរសព្ទលេខ៖ 023/070215577 ឬតាមរយៈ Facebook Messenger “TODAY ISP” ឬគេហរទំព័រ www.today.com.kh។

នៅក្នុងឆ្នាំ ២០២១ មន្ទីពេទ្យគន្ធបុប្ផាទទួលបានការឧបត្ថម្ភលើការប្រើប្រាស់សេវាអុិនធឺណិត ដោយឥតគិតថ្លៃរយៈពេល ១ឆ្នាំពេញពីសំណាក់ក្រុមហ៊ុនអុិនធឺណិត TODAY។ ដោយមើល ឃើញអំពីតម្រូវការចាំបាច់នៃប្រតិបត្តិការការងាររបស់មន្ទីពេទ្យក្នុងការជួយសង្គ្រោះកុមារកម្ពុជាក្រុមហ៊ុនអុិនធឺណិត TODAY បានសម្រេចបន្តផ្តល់ជូនការប្រើប្រាស់សេវាអុិនធឺណិតដោយ ឥតគិតថ្លៃសម្រាប់ឆ្នាំ ២០២២ នេះទៀត។ ការផ្តល់ជូនសេវាអុិនធឺណិតប្រើប្រាស់ដោយឥតគិតថ្លៃនេះមាននៅតាមទីតាំងដូចជា៖ ១. មន្ទីពេទ្យគន្ធបុប្ផា សង្កាត់វត្តភ្នំ ខណ្ឌដូនពេញ ល្បឿន ៧០Mbps ២. មន្ទីពេទ្យគន្ធបុប្ផា ខាងក្រោយព្រះបរមរាជ្យវាំង ខណ្ឌចំការមន ល្បឿន ២០Mbps ៣. មន្ទីពេទ្យគន្ធបុប្ផាដែលស្ថិតក្នុងក្រុងសៀមរាប ល្បឿន ៧០Mbps សកម្មភាពទំនួលខុសត្រូវសង្គមគឺជាផ្នែកមួយនៃបេសកកម្មរបស់ក្រុមហ៊ុនអុិនធឺណិត TODAY ដែលជារឿយៗបានចូលរួមជួយដល់វិស័យអប់រំ សុខាភិបាល កីឡា និងបរិស្ថាន។ លោក ឃន សុខុន ប្រធានគ្រប់គ្រងទូទៅនៃក្រុមហ៊ុនអុិនធឺណិត TODAY បានលើកឡើងថា ការចូលរួមចំណែកនេះសង្ឃឹមថានឹងអាចជួយដល់កុមារកម្ពុជាកាន់តែច្រើនថែមទៀតដែល ត្រូវការការថែទាំ និងព្យាបាលពីសំណាក់មន្ទីពេទ្យគន្ធបុប្ផាដោយឥតគិតថ្លៃ។

ចាប់តាំងពីជំងឺកូវីដ ១៩ រាតត្បាតទូទាំងពិភពលោក ប្រទេសកម្ពុជាក៏ស្ថិតក្នុងផ្នែកមួយនៃការ គំរាមកំហែង និងទទួលរងផលប៉ះពាល់យ៉ាងខ្លាំងផងដែរ។ អាជីវកម្មស្ទើរទាំងអស់ត្រូវបង្ខំចិត្ត ផ្លាស់ប្តូរ និងធ្វើទំនើបកម្មដើម្បីបន្តជីវិតរស់នៅ។ សង្វាក់ផលិតកម្មក៏ដូចជាការងារប្រតិបត្តិ ប្រចាំថ្មីបានផ្លាស់ប្តូររបៀបនៃការធ្វើការរបស់ខ្លួនដោយពឹងផ្អែកសឹងតែទាំងស្រុងលើប្រព័ន្ធអុិនធឺណិត ដើម្បីធ្វើយ៉ាងណាផ្លាស់ប្តូររបៀបនៃការធ្វើការ និងផ្តល់សេវារបស់ខ្លួនទៅកាន់របត់ថ្មី ដែលគេហៅថា “អាជីវកម្មឌីជីថល”។ លោក ឃន សុខុន ប្រធានប្រតិបត្តិទូទៅនៃក្រុមហ៊ុនអុិនធឺណិត TODAY បានមានប្រសាសន៍ ថា ជាការពិតណាស់ជំងឺកូវីដបានផ្លាស់ប្តូររបៀបនៃការធ្វើការយ៉ាងច្រើនដើម្បីបន្តដំណើរទៅ មុខជាមួយនឹងការគិតគូរសុវត្ថិភាពរបស់បុគ្គលិក និងអតិថិជនជាចម្បង។ ប៉ុន្តែអ្វីដែលគួរផ្តោត សំខាន់នោះគឺតម្រូវការមូលដ្ឋានសម្រាប់ការងារទាំងអស់នោះគឺយើងត្រូវការប្រព័ន្ធអុិនធឺណិត ដែលមានគុណភាពដើម្បីផ្គត់ផ្គង់លើការងារនេះដូច្នេះហើយបានជាចាប់តាំងពីកូវីដចូលមកដល់យើងសង្កេតឃើញថាតម្រូវការសេវាអុិនធឺណិតមានការកើនឡើងជាខ្លាំងហើយតម្រូវការទាំងនោះរឹតតែត្រូវការសេវាអុិនធឺណិតធំជាងមុនថែមទៀត។ លោក សុខុនបានបន្តថា របត់ថ្មីនេះនឹងមិនត្រលប់ក្រោយនោះទេទោះបីជាទៅថ្ងៃមុខជំងឺកូវីដ ១៩ ផុតរលត់ក៏ដោយ។ លើសពីនេះយើងរឹតតែត្រូវការពង្រឹងវាបន្ថែមទៀតដោយហេតុថារបត់ ថ្មីនៃអាជីវកម្មឌីជីថលនេះបានចូលមកដល់ហើយ កាលណាយើងមិនមានការផ្លាស់ប្តូនោះ យើងនឹងមិនអាចប្រកួតប្រជែងក្នុងទីផ្សារបានទៀតនោះទេ។